Ineqarnermut tunngasut aaqqissuussaanerat
Inissiat pisortanit pigineqartut danskit naalagaaffianit 1987-mi tiguneqarput. Maanna ineqarnermut tunngasut Ineqarnermut, Attaveqarnermut Angallannermullu Naalakkersuisoqarfiup ataaniipput.
Pisortat inissiaataannik ingerlatsineq pisariillisarniarlugu 1995-mi A/S Inissiaatileqatigiiffik INI pilersinneqarpoq. Inissiaatileqatigiiffik Naalakkersuisunit 100 procentimik pigineqarpoq.
Nuummi Inissiaatileqatigiiffik Iserit A/S kommunip inissiaataanik 1.200-iusunik aqutsisuuvoq.
Naalakkersuisut inissiat 7.000 missaat pigaat, kommunillu inissiat 4.800 missaat pigalugit.
Ineqarneq pillugu naammagittaalliortarfik
Attartortut attartortitsisullu akornanni saqitsaassutit, ineqarneq pillugu naammagittaalliortarfimmi suliarineqartarput, taanna 2006-mi pilersinneqarpoq.
Ininut akiliutinut iluarsartuusseqqinneq
Ulloq 1. januar 2002-mi ineqarnermut akiliutaasartunik iluarsaaqqinneq aammalu ineqarnermut tapiissuteqartunik aaqqissuussineq pitsaanerusoq atuutilerput. Ineqarnermut akiliutaasartunut akiliutit akiviannut naleqqunnerulersinneqarput taamaalilluni pisortanit ikiorsiissutitut tapiissutit (ineqarnermut meeqqanut tapiissutit) ineqarnermut akiliutaasartut naatsorsorneranni peerneqarlutik, taavalu tapiissut nuunneqarluni ineqarnermut tapiissutimut pitsaanerusumut, pingaarnertut inuiaqatigiit pissakinnerusunut iluaqutaasussamik. Aammattaaq ineqarnermut akiliutaasartunik iluarsaaqqinnerup siunertaraa kajumissaarutigalugulu pissaqarnerusut nammineq illuliortitsinermi namminersortut attartortittagaanni illuliortitsissasut soorlu piginneqatigiilluni inissianik sanaartortitsineq imaluunniit illuliortiternernut aningaasalersuineq 20-20-60 atorlugu.
Nittartakkat takuneqarsinnaasut:
Ineqarnermut, Attaveqarnermut Angallannermullu Naalakkersuisoqarfik pillugu takusaqarnerorusukkuit nittartagaq una alakkaruk: Ineqarnermut, Attaveqarnermut Angallannermullu Naalakkersuisoqarfik
A/S Inissiaatileqatigiiffik INI pillugu nittartagaq una takuuk: www.ini.gl
Iserit A/S pillugu nittartagaq una alakkaruk: www.iserit.gl
Nittartagaq ineqarneq pillugu naammagittaalliortarfik una alakkaruk: www.maalaarut.gl